ازاي تكتب اسكريبت لليوتيوب؟

في عالم الYouTube الموضوع معقد شوية، سهل إنك تكتب Script بس اللي مش سهل انك تكتب حاجة تخلي جمهورك يقعد يتفرج على الVideo للأخر، أو على الأقل إنه يكمل نص الVideo وهنا بنلجئ للـ Entertaining Content، أو صناعة محتوى ممتع، وهنا بتيجي شطارة صانع المحتوى في إنه يحول المحتوى الملل المقدم، لمحتوى ممتع، بس عشان تعمل ده، خليني أقولك شوية خطوات بسيطة تعملها وأنت بتكتب.

1- لغة الحوار أساس البناء!

يعني ايه الجملة دي؟ هقولك بكل بساطة جدًا، في الوقت الحالي انت بتقرأ السطر ده وأنا حاطت في بالي لحظة كتابته إن يكون صوتي في عقلك، يكون في لغة حوار، المعلومة بتتقدم بشكل بسيط جدًا غير مُعقد، يعني مثلًا لغة الحوار أساس البناء، كان ممكن أكتبها، خليك بسيط في كتابتك، وهنا بتيجي البساطة والحوار، أبني حوار مع الجمهور كإنك بتتكلم مع شخص، وفي نفس الوقت خلي كلامك بسيط مش معقد.

2- السرد القصصي هو الملك.

في الفيديوهات اللي مدتها بتزيد عن دقتين، لازم السرد القصصي يتدخل بشكل سريع جدًا عشان المشاهد ميزهقش نهائيًا، ممكن تتفرج على مثال للجزء ده من أخر فيديو إحنا نزلناه، شرحنا واحدة من أهم الـMarketing Campaign في التاريخ بكل سهولة وبتسلل للأحداث بشكل كبير:-
https://bit.ly/3GfbrOA

ملحوظة الفيديو أنا اللي بقدمة وكتابتي فلو بتدور على شخص يقدملك خدمة كتابة الإسكريبتات تقدر تتواصل معايا وأنا وفريقي متواجدين لأجلك في كافة أجزاء ال Digital Creation.

3- الفئة المستهدفه بتتكلم ازاي؟
انت بتتكلم ازاي؟ هل طريقة كلامي في المنشور ده مفهوم لأقصى درجة، هقولك 90% مناسب لجميع الجنسيات المختلفة، ولكن هل هي الطريقة المناسبة، طب لو كنت كتبت المنشور بالفصحى كان هيكون أنسب؟ لازم تبقى عارف الفئة المستهدفة، وأنا مثلًا هقولك إني لو كتبت بالفصحى كان هيكون أفضل في الوصول لدول مُختلفة خصوصًا إن أكبر عدد متابعين مش من مصر، لكن، دي بنسميها العامية البسيطة، اللي كل جنسية تقدر تفهمها، وهنا بييجي دورك إنك تكتب الإسكريبت بأنسب لغة ليك انت، الأسكريبت غير المنشورات، وأتمنى تكون فهمت قصدي.

4- بتعرف تالعب بصوتك؟

هي لازم تتكتب كده أو هنقولها ال Sound Beat أو Sound Curve، طريقتك في تقديم المحتوى نفسه، طريقتك في إستخدام صوتك لازم تكون حاضرة في الإسكريبت، أمتى هتعلي صوتك، وأمتى هتقرب من الكاميرا وتوطي صوتك، إمتى هتغير الTone كلها؟ كل دي بتوصلنا لنقطة محدده وهي “مفيش ملل” المشاهد مش هيمل طول ما انت بتحرك صوتك مش بس بتغير طريقة التصوير.

5- عالم الكتابة مُختلف!

في عالم كتابة المحتوى، في بداية و وسط ونهاية، في الإسكريبت فيه intro و Body وOutro وهنا بنيجي لجزئية مهمه أوي، وهي إنك تكون فاهم مراحل الكتابة الخاصة بال Script وهدفه وطريقة تقديمة وتصويره وإخراجة، الإسكريبت مش مجرد كتابة، الإسكريبت هو كتابة + شكل الفيديو النهائي + طريقة التصوير + الإخراج = إسكريبت قوي.

بتبقى شايف كل حاجة وانت بتكتب مش مجرد بتكتب بس.

——————-
في مراحل مخُتلفة وطرق كتير للكتابة الخاصة بال Script وعلى حسب طبيعة الـVideo Format بيتحدد طريقة كتابة الإسكريبت، بس في البداية لازم يكون في هدف للي انت بتعمله وتعمله بشكل كويس جدًا وخليك عارف إن ال Youtube صعب جدًا، لكن الإستمرارية فيه هو أقوى سلاح.