ازاي تكتب Headline أصيع من ال Headline ده؟
شوفت ال Headline فعجبك، وقررت تقرأ المقال عشان تعرف ازاي تكتب Headlines صايعة، لأنه بكل بساطة متوافر فيه كل شروط العنوان الناجح، وده الترتيب اللي انا وانت لازم نكون بنتحرك بيه طول الوقت، سواء كٌنا بنكتب إعلانات أو بنصنع أي شكل من أشكال المحتوى، لإن بكل بساطة لو المحتوى هو الملك، فال Headline هو ملك المحتوى لأنه مش مجرد سطر، ده حكاية!
مش مجرد سطر، ده حكاية!
من كل عشر أشخاص عنيهم بتقع على ال Headline في اتنين بس هما اللي بيقرأو الباقي ويكلموا المحتوى أو بيتفعلوا معاه لو العنوان ضعيف، الكوبي رايتر الشاطر أو الكونتنت كريتورعارفين ان ال Headline هو المحرك الأساسي للقارئ أو المتفرج، عشان كده David ogilvy كان بيقول انه الشاطر هو اللي بقدم نص وقت شغله على المحتوى، للعنوان!
5 حكايات لكل Headline!
وانا ببدأ شغل اتنصحت نصيحة مهمة جدًا وهي بلاش عنوان Creative أوي، ممكن تكتب حاجة مفيش زيها، وشايفها حلوه جدًا بس للأسف مش مناسبة، ليه؟
1- مش بتتفهم بسهولة!
عارف لما ترمي إفيه جامد وبيضحك بس محدش يضحك عشان محدش فاهم هو ده بالظبط، أوقات ممكن تعمل حاجة جامدة بس مش مناسبة للعملاء أو ال Ideal Custmer أو ال Segment اللي بتتعامل معاهم، فبتكون النتيجة أن الحاجة الجامدة اللي انت عملتها دي موصلتش لانك محتاج تشرحها، والحكاية دي بلاش منها
2- الكلمات ايه؟
الكلمات اللي في ال Headline ايه؟ بتتكلم عن ال Copywriting وقررت انك تخترع عنوان ملوش علاقة بالكوبي فهتخسر كتير، لإن اللي داخل يقرئ مش هيكون عارف هو داخل يقرئ ايه وطبعًا انت مش معانا في ال SEO، بس كده.
3- دورت كويس؟
عملت Search كويس جدًا قبل ما تكتب، ولا بتكتب وانت بتعمل Search ولا قررت تكتب من غير Search؟
ال Search من أهم الأدوات اللي هتساعدك تلاقي عنوان كويس، لإن أول حاجة هتعرف أكتر عن ال Keywords وكمان أكتر العنوان المستخدمة، يعني بكل بساطة بتجهز نفسك صح لل Headline الصايع.
4- انت عايز توصل لإيه؟
هل غرض ال Headline واضح؟ الـ Messege اللي عايز توصلها لعميلك شايف انها هتوصل بالعنوان اللي انت كاتبه؟ فكر كويس وانت بتكتب في النقطة دي.
5- عارف عميلك؟
مستحيل هتكتب Headline ل Class A بطريقة Class C، أعرف عميلك كويس قبل ما تكتب.
ازاي تكتب Headline أصيع من ال Headline ده؟
بالنسبالي ده من أقوى الـ Headlines اللي اشتغلت عليها، لانه فيه أكتر من نوع وطريقة بنستخدمها في كتابة العنوان استخدمتها في السطر البسيط ده!
8 أنواع لكتابة Headlines قوية!
1- اللي انت بتدور عليه – To the Point
بتدور على انك ازاي تعرف تكتب Headlines قوية، ال Headline بيقولك انك هتعرف ده، وده من أهم الأنواع لإنه مباشر، استخدامه وهدفه واضحين لل Segment بتاعتك، القارئ أو المتفرج عارف بالظبط هو رايح فين.
2- ازاي – How to؟
هتتعلم حاجة جديدة، أو هيتقال معلومة متقالتش قبل كده، هنا بييجي وقت ازاي، ازاي هي سحر واستخدمها ممكن يكون صعب لو انت مش محدد شكل الكونتنت بتاعتك وانه فعلًا فيه معلومة مهمة، تقدر تستخدمها سواء بتعمل Ads او Youtube أو Article، لانها بتركب كويس على كل أشكال المحتوى، فركز ازاي تستخدم ازاي.
3- اسألني في سؤال – Question headline
انا هجاوبك عن سؤال مهم انت بتفكر فيه، فكرة السؤال في ال Headline هو انك عارف فعلًا عميلك و عارف هو ايه اللي محتاجة وبيدور عليه عشان كده انت قررت تجاوب على سؤاله.
4- اللعب بالألفاظ – Wordplay Headline
صياعه في الصياغة وإبداع في الكتابة ده أقل حاجة اقدر اقولها على ال Wordplay headline، فاكر اعلان متكررش وخليها راش براش، كان من أجمد الإعلانات اللي شوفتها أخر فتره وخصوصًا انهم استخدموا ال Wordplay Headline and To the Point Headline في سطر واحد حاجة كده جامد وعلق معايا فترة حلوه
5- جزئين يا عزيزي جزئين – Two-part headline
أكثر مثال ممكن نتكلم عنه هنا هو إعلان طلبات في رمضان “طلبات رمضان، مسافة الدوسة” ايه ده بس، فكرة العنوان اللي بيتكون من جزئين بتكون رخمه لان كل جزء هو Headline لوحده ولما بنجمعهم مع بعض بنخلق فرص جذب للجمهور أكبر.
النوع ده محتاج تركيز وترابط قوي جدًأ بين ال Two Headlines عشان توصل لهدفك.
6- الأرقام – Number Headline
10 طرق لزيادة المبيعات؟ 7 حاجات لازم تعرفهم عن بودابست؟
الأرقام هي أكتر حاجة تجذب الجمهور neil patel واحد من أتقل ال Marketers في العالم كان عامل إحصائية عن ايه اكتر Headline Type بيجذب الجمهور وكانت النتيجة هي الأرقام حاول تستخدم رقم في ال Headline بتاعك وحقيقي الموضوع هيفرق معاك.
7- ده مش أمر دي معلومة – Common Headline
في نوع من أنواع ال Headlines بيكون فيه أمر، زي مثلًأ “اعرف أهم طرق كتابة ال Headline بهذه الخطوات”، فكرة انك تقول للقارئ هتعمل ايه بالظبط حلوه بس أحيانًا مبتنفعش مش كل الجمهور بيحب فعل الأمر فأستخدمه بذكاء.
8- المشاعر يا عزيزي – Emotional headline
كوكاكولا من أقوى الشركات اللي بتستخدم المشاعر، لو قررت تقرأ عن استراتيجية كوكاكولا في الكتابة او الإعلان او السرد القصصي، هتفهم كويس اوي ازاي كوكاكولا أجبرتك تشرب حاجة هتضرك بس هتكون مبسوط لإنها هتحسسك بالسعادة.
إحنا كبشر المشاعر بتسيطر علينا بشكل قوي، فكر كده لو هتكتب Headline لكوكاكولا ممكن يكون عامل ازاي؟
ودلوقتي طبعًا انت قادر تكتب Headline أصيع من ال Headline بتاعي، متنساش ال Share و ال Like بقى عشان نكتب Headlines أصيع الفترة الجاية.
